日劇《交響情人夢》男星小出惠介今年爆出性醜聞，佢被指今年5月喺大阪拍劇期間相約一名17歲女生夜蒲，少女報稱飲醉被帶往酒店，禁室培慾發生性行為共五次，小出受醜聞影響全面停工，連帶佢演出嘅Netflix劇集《Jimmy》亦要重拍，今日公佈玉山鐵二將會頂替小出惠介參與劇集補拍。

明石家森馬監製自傳式新劇《Jimmy》原定今年7月7日起開播，小出劇中飾演明石家，自小出醜聞爆出後，Netflix已將該劇抽起，直至今日正式公佈會由玉山鐵二頂替小出扮演明石家一角，預定明年初開始進行拍攝，劇集內容唔會有太大改動，至於播放日期將有待公佈。

更多娛聞，喺晒《娛果》
http://fb.com/appledailyent