400年前嘅故事，有人或者覺得out，但睇見香港咁亂，專欄作家兼退休老師韓連山特別引經據典，借題發揮，講粗口鬧人都要懶文雅。

韓連山話香港而家慘不忍睹，但佢又唔係專業評論員，唯有做返老本行，借莎翁過橋，教吓英文又鬧吓人。咁啱撞正莎士比亞400週年紀念，韓連山趁機出版2冊《莎士比亞罵人的藝術》，中英對照，講故仔兼串高官！

莎翁原來好鬼鍾意鬧人，韓連山則話莎翁有先見之明，句句都好啱而家嘅香港，例如見親梁振英就諗起《Macbeth》嗰句「Fittogovern?No,nottolive」，即係叫佢去死；《HenryVIPart2》入面嗰句「Die,damnedwretch,thecurseofherthatbarethee!」仲正，意思係「你這壞蛋死吧，養出你這壞蛋的婆娘也得到報應!」，問候埋人哋娘親，韓連山哈哈笑：「真係講粗口㗎！」

韓連山話自己本書屬自癒系，寫得好爽。除咗鬧人，仲想做埋教材，幫下讀EngLit嘅學生學以致用。