【全城禁聚】蕭潤邦抱怨林鄭急就章兒戲:唔好合埋眼做嘢!
何超蓮鄧一君蕭潤邦
為防止武漢肺炎在港擴散,政府昨日再次宣佈新措施減少人群聚集,其中針對飲食業提出6項要求,包括餐桌之間要有1.5米距離、座位不可多於正常的一半等。而最多市民爭議的一項,就是連特首都講到明「冇咩科學基礎」的措施,便是禁止多於四人的公眾地方聚集。
以上種種措施,無論有否科學理據,必須在今日傍晚6時起實施。無奈「硬食」政府逆思維的小店,為避刑責,通通要乖乖聽命。《蘋果》今日走訪多間藝人名人開的食肆,其中在深水埗開生煎包店的蕭潤邦(Oscar),今晚亦有在舖中打點。現場所見,Oscar和店員同樣戴上口罩,他們在舖內派發搓手液給客人,又要求客人在門外量體溫。只見舖中座位已配合政府規定,枱與枱之間距離已拉開,現場堂食客大約有3、4枱,主要客人都是外賣拎走。
Oscar接受《蘋果》訪問時,對政府往往「急就章」的措施頗有怨言。他說:「其實政府每一日都話呢個係最關鍵嘅14日,好多個14日之前已經要做啲有用嘅嘢啦,好似之前酒吧禁賣酒,咁我哋同業點算呢,原來唔畀賣嘅原因,係驚大家會親吻,咁我哋會唔會有一日,連賣包都唔准呢,希望政府早啲做應該做嘅嘢,唔好等發生咗先去兜,我覺得(政策)係有用先好出,唔係真係好似玩咁。」他指香港現時每個行業都水深火熱,而政府到現在才推出要戴口罩和量體溫的措施。他苦笑說:「呢啲我哋一早都做緊啦,大家都要保障員工同客人,我哋都會自動自覺,政府各部門不如諗吓方案,點防止戴手帶走出嚟嘅人好過啦!」
問到政府政策是否擾民,他指未必擾民,但就做得不夠全面:「話枱與枱要有1.5米距離,咁我間舖得20、30個位,咁招呼3個人囉,我哋員工都有4個啦。我希望政府聽多啲唔同聲音,唔好一味合埋隻眼做嘢,因為受嗰個係我哋呀!」
記者亦走訪何超蓮位於銅鑼灣的牛肉麵店,只見店內枱與枱之間已拉開,舖面只留下5至6張枱,每張枱都放置了一支酒棈搓手液提供給客人使用,另外,每位客人入店時,都需要量體溫。而店舖的負責人接受《蘋果》訪問時,坦言政府政策不會幫到手,他說:「呢排生意大跌咗7成,主要收入都係做外賣,而家要睇吓情況發展,或者效法其他舖頭,暫停堂食,要睇疫情發展,不過業主一蚊都唔減,而家都捱緊,總之見步行步啦。」
至於位於尖沙嘴,由鄧一君投資的食店,今晚晚市時人流亦不算多,只有約兩枱客,未見一君現身,而店員表示不方便接受訪問。
採訪、攝影:曹家誠、黃曉程
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》
蕭潤邦今日在深水埗店打點,他指政府措施做得遲,不如認真諗方法防止家居隔離的人出走。
鄧一君在尖沙咀開設的車仔麵店,古天樂都有去食。(網上圖片)