胡鴻鈞(Hubert)同譚嘉儀今日喺將軍澳出席聖誕活動，佢哋喺現場唱歌又兼同粉絲玩遊戲。問到佢哋點樣過聖誕？Hubert話：「同一班朋友燒烤，係我哋每年嘅傳統，25號正日都會約出嚟一齊搞大食會。」問到有冇預許廷鏗？佢就話：「有，仲有陳慧敏好多人。」

嘉儀就話喺工作中度過，佢話：「我晏畫做嘢，夜晚都去咗朋友屋企開party，仲抽到200蚊現金獎，好開心。」問到有冇追求者約佢過聖誕？嘉儀就話：「真係冇，林師傑有喺節目度幫我招親，招極都招唔到，辛苦佢哋嘞。」

而Hubert就打算年頭去旅行叉電，佢話：「唔知可唔可行，因為每年年頭都想畀自己放假叉吓電，迎接新工作。我想去歐洲，去2至3個星期，趁年頭未有咁多工作。」問到同邊個去玩？有冇許廷鏗份先？佢笑話：「一班朋友。真係未知，又係許廷鏗！我仲有其他朋友㗎！」

更多娛聞，喺晒《娛果》
http://fb.com/appledailyent