當年今日
關於我們

【韓流】組《RM》新情侶?全昭旻幫光洙抹嘴

蘋果日報 2017/09/29 19:35

Running Man李光洙全昭旻

韓國女星宋智孝及男星Gary,喺綜藝節目《Running Man》組成「周一情侶」大受歡迎,不過自Gary去年10月退出節目,加上製作組加入之前曾與成員李光洙一組玩遊戲嘅女星全昭旻做固定成員,似乎有意推光洙及全昭旻組成「新情侶」。
將於後日播出最新一集嘅《RM》,內容提到因為玩遊戲輸咗嘅光洙及全昭旻,去印尼接受懲罰坐手動木製纜車,雖然兩人喺整個旅程都吵吵鬧鬧,但亦好似戀人咁互相照顧,而接受懲罰當日更身穿情侶裝現身,畀其他成員笑兩人「好似新婚夫婦」、「唔似去受罰,似係去度蜜月多啲。」及後全昭旻更用衫袖幫光洙抹嘴,相當親密。
另外,與光洙、趙寅成、宋仲基等人老友鬼鬼嘅36歲男星金基邦,將於聽日迎娶圈外女友,婚禮以非公開形式舉行,而今日有消息指光洙及趙寅成將任婚禮司儀。
empty
光洙同全昭旻組《RM》新情侶?
empty
金基邦聽日娶圈外女友,有指光洙及趙寅成將任婚禮司儀