吳業坤啱啱去咗東京五日返港，今日到商台接受訪問，佢話今次去東京係半工作半放假，因為認識一位喺日本新垣結衣間公司做翻譯嘅朋友，傾談吓提議佢同女子組合Baby Raids Japan成員林愛夏合唱《原來只因深愛著》，坤哥話:「行程中就錄咗呢首歌，佢(林愛夏)仲一早已經背晒歌詞，發音好準，反而我有忘記歌詞。」講到點解唔合唱日文歌，佢自嘲技不如人。嚟緊月中對方來港開騷，坤哥會去捧場，而且喺日本錄音完，同當地工作人員食事後飯，今次都會盡地主之誼同佢哋食飯。

今年佢想有多啲衝出香港合作，會邀請日本音樂人高木洋一郎為《陽光點的歌》譜日文詞，佢會獻唱一段。另外月尾到台灣拍攝節目時，又把握機當同當地知名結他手馬叔叔合作，講到為何不找女性合作，佢笑指女性不用太多。

精選娛聞，喺晒《娛果》
http://fb.com/appledailyent