嘉欣與夫婿許晉亨所生的囝囝Jayden已3歲多,問她有否再生念頭,她坦言:「我都有啲準備,可能未必係自己生,商量緊討論過。」嘉欣透露不會考慮收養,問她會否考慮找代母?她表示:「可能會,已雪藏咗自己啲卵子,但未必會實行,係個機會同選擇,做咗安心啲,都係好事。代母都係自己基因,收養要好多理由,未研究到。」
嘉欣暗示已將雪藏卵子變為胚胎,以便增長存放時間。問到她再生,會否怕Jayden與弟妹有代溝,她表示:「我同家姐相隔4年,我先生同兄弟都相隔多年,都OK,唔會有獨生子嘅壞習慣,最緊要花多啲時間教。」記者再追問會否人工受孕揀性別,她表示不會:「冇,雖然𠵱家科技乜都有可能,但係我哋冇咁誇張,我先生比較保守,佢會親力親為照顧小朋友,所以比較吃力,我就要多做運動keep fit嚟對付囝囝。」
採訪:張俊銘
攝影:沈健程