被喻為《逆權》系列最終章嘅韓片《1987：逆權公民》(1987)上周四喺香港上映，電影由河正宇、金允錫、李熙俊、金泰璃、姜棟元、劉海鎮等好戲之人主演，電影以70年代末至80年代初嘅全斗煥軍事獨裁嘅政府作背景，被喻為《逆權》系列嘅最終章。

《1987》除咗有港迷認識嘅人氣電影《與神同行》嘅河正宇主演外，亦都有老戲骨金允錫同劉海鎮坐鎮，除咗佢哋喺片中搶鏡外，一對革命情人金泰璃同姜棟元亦都令觀眾留下深刻印象，現年27歲嘅金泰璃於2014年出道，憑前年出演朴贊郁執導嘅電影《下女誘罪》而令佢一炮而紅，今年更夥拍李秉憲拍劇《Mr. Sunshine》，前途無可限量。

金泰璃喺《1987》中飾演平凡樸素嘅大學生，一次偶然機會下認識咗參加民主運動嘅大學生姜棟元，兩人發展一段微妙嘅感情線，最終得知姜棟元因為抗爭而死於催淚彈之下，金泰璃幾經掙扎，決定上街支持抗爭。

雖然喺片中兩人遺憾未能在一起，但佢哋就為電影奉獻第一次，更合唱片尾曲《被遮蔽的路》，兩人柔和兼細膩嘅聲線，當唱到一句：「親愛的你成為我的力量吧，讓那賦予我的路，能夠找尋得到」，即時令到現場觀眾回想起佢哋嘅片段時，忍唔住流淚。

韓文MV連結： http://bit.ly/2Fe6AAi

更多韓流，喺晒《娛果》
http://fb.com/appledailyent