有線電視用戶羅小姐及鄭先生稱，早前接獲有線寬頻營業員電話，推銷優惠計劃。羅小姐說，「佢哋話係『有線電視送寬頻』推廣計劃，指我係有線電視長期用戶有呢個優惠，反正我交開130蚊，𠵱家畀116蚊就可以睇有線電視九個台兼可上網，着數好多。」
索信用卡重新登記
她因家中沒有電腦而拒絕，但營業員說，「唔上網唔緊要，反正係送嘅，唔用可以放埋一邊。」
羅小姐說，她簽約時，營業員要求她出示信用卡，但她指原來的有線電視合約已登記了有關資料，營業員稱，因為要轉新計劃，所以要重新登記。
她最近收到銀行月結單，才知這次只是有線寬頻推廣，有線電視她仍要付費，即每月共付200多元。「佢哋話係有線電視送寬頻，根本就係掉返轉，係有線寬頻送有線電視幾個台先啱。」若她取消合約，便要賠償所簽年半合約餘下的月費及安裝費。
鄭先生說，「佢哋咁嘅手法推銷真係有問題，一係就講明係裝寬頻送有線電視，無端端參加咗寬頻上網，送嗰九個台都唔啱睇，重要畀兩邊錢。」
另兩名有線電視用戶何小姐和郭小姐，同樣被有線寬頻營業員游說參加這個組合計劃，最終要付雙重費用。何小姐稱，她家中根本沒有電腦。郭小姐說，她本身已採用另一寬頻網絡，兩人均稱根本不會申請有線寬頻。