過去兩個禮拜，孫柏文喺本欄都話過區議會選舉，將會係「止暴制亂」嘅黃金機會。因除我哋香港人出咗啖氣外，只要北京識把握，有相應嘅措施同說話出台，就搞掂。

當然，我亦警告過話以當今北京四面楚歌之勢，銀行系統千瘡百孔、資不抵債，脆弱到不得了時，佢哋亦要「二仔底」死跟，強硬到尾唔投降。啱啱嘅週末，真係不幸言中，又再一次派啲差佬出來「只暴製亂」。黃金機會，化為烏有。

無辦法，大陸現有嘅管治能力，就只係限於啲每年人均經濟生產力低過1萬美元嘅經濟體，睇落到咗佢哋系統、思維嘅極限。俾個人均4.6萬美元嘅一級方程式引擎佢，遲早搞爛。

英國佬當年留低好多個維持政治控制力嘅系統，佢哋不但唔識用，仲要唔識貨咁拆散佢。Neccesity is the mother of invention，有需要、便發明乃任何族群生存之道。

英國佬作為好暴力之民族（揮軍打他國之紀錄保持者），啲權貴階級就死咗好多自己人後發明咗選舉呢個東西。一下，就連「帝制」啲咁老土嘅嘢都冇事。

喺香港，俾你哋好「民主」咁選幾百個冇乜實權嘅議員，真係齋噏嘅代議士，就已令上週太平10日8日。不過更勁嘅控制系統一到班廢柴「寧左勿右」或高分低能填鴨手中，即廢武功。

其實，呢個咪就喺呢22年來，香港的故事了。

孫柏文
---------------------
SAKURA GLOBAL x investMAN
【全球樓行-馬拉】FAN享會
龐大專家陣容 助你走佬去馬拉
點擊參加SAKURA GLOBAL呈獻：【全球樓行-馬拉】FAN享會
-----------------------
屬於香港人的移民攻略
立即登入【全球樓行】
Dream House零距離