35歲的阿華（化名）獨力帶着只有一歲半的女兒，面對無法預知的未來，阿華自言沒有害怕，並會勇敢克服，只是現時經濟緊絀，租屋繳付屋租、按金後，再無餘錢添置基本家庭電器如雪櫃及電視機。
阿華是廣東梅州人，四年前與一名香港人結婚，移居本港，可是由於意見不合，遂與丈夫離婚。其後她在港認識另一男子，本來以為生活可有依靠，惟雙方年前感情有變，阿華遂終决定離開該男子，可是當她感情受挫之同時，她竟發現懷有身孕。
「當時知道有咗，真係唔知點算，好徬徨，重諗過唔要個BB，但佢始終係我骨肉，所以我最後都係决定生佢落嚟。出院之後得到社工幫助，我去咗啲宿舍住，但係始終唔可以一直住落去，之前社工幫咗我申請綜援，同埋搵咗呢個地方租嚟住。」

希望有雪櫃電視機

阿華與女兒現時租住深水埗區一個套房，雖然不算寬敞，但兩母女暫時總算有容身之所，只是她卻為沒有餘錢添置基本電器發愁：「我攞到的綜援金，已經用晒嚟畀屋租同按金，好彩間屋已經有傢俬，唔使再買，但係有啲基本電器就真係冇錢買。」
阿華說，她現時最希望可以擁有雪櫃及電視機，雪櫃可以貯存吃剩飯菜，電視機則可以讓小女兒收看。
面對未來種種困難，阿華說會鼓起勇氣克服。「我𠵱家已經申請咗公屋，如果快啲編配到，就可以畀少啲租；𠵱家我會專心湊囡囡，到佢入學校我就可以出嚟搵嘢做，自力更生養大囡囡。」阿華期盼說。
捐款編號：C2061

蘋果投訴熱線：29290000
社會服務熱線：29908288
傳真：23702192
電郵：[email protected]