弊傢伙，志雲要唱歌！

蘇施黃今日在facebook忽然爆料，指陳志雲繼歌神許冠傑後將舉行網上演唱會，阿蘇加上驚嚇emoji公仔留言道：「乜佢識唱歌咩？佢自己直認都係喺沖涼嗰陣時唱過吓咋。嘩！好彩冇聽過。」蘇施黃說希望志雲打消念頭：「費事第二日佢迫我哋睇佢唔着衫唱歌。拜托、拜托，大家功德無量。」

阿蘇還轉發了志雲戴住 口罩 模仿接受訪問的片，志雲被梁泰來指是超齡樂壇新人，並且將會與王喜舉行《我不是歌手演唱會》。《蘋果》今日向志雲求證，志雲承認真地表示會開演唱會，他指 疫情 初期開始提出社區隔離，已見到好多人太過苦悶，希望有新事物帶來歡樂，他說在農曆年到開始構思籌組新channel，已試作一段時間，做了不少內容。

至於《我不是歌手演唱會》，原來是志雲好友王喜構思，志雲說：「阿喜有意見搞演唱會，但我話唔識唱歌，但又諗吓志在得啖笑，走音唔怕，當係我嘅channel正式運作。」

志雲向《蘋果》宣佈，演唱會在4.24日晚上9點舉行，比原定時間遲了一小時，他解釋：「本來話係8點，不過阿喜話佢想人哋睇埋《頭條新聞》佢嘅『驚訊』。」演唱會會在志雲家舉行，他邀請了鋼琴王子Phoebus Chan合作，當晚與王喜各自唱6首歌及1首合唱歌，預計整個節目做1小時。不過許冠傑（Sam）昨日開網上騷，被人批評過時，志雲不擔心受到批評：「我哋係娛樂大家，冇可能同Sam比，我哋唔係好大型，會擺多啲心思喺造型。」

今次新channel沒有任何利益，志雲付出不少：「拎時間拎錢出嚟，真係得啖笑。」他又希望可以拋磚引玉：「我都希望多啲人做呢啲嘢，美國片商都開好多片畀人睇，我希望喺 香港 拋磚引玉，大家出嚟做多啲，多啲娛樂歡笑下，大家抗疫咁耐，好悶，好易打殘。」

王喜之前有試過邊沖涼邊直播，問到志雲會否跟王喜一起沖涼開Live唱歌時，他大叫：「啋！一定唔會！我冇佢咁勇，佢自己肥咗唔覺咩？」