【更新內容】
韓國人氣男團BTS(防彈少年團)韓國時間噚日下午6時公開新歌《DNA》MV，公開8小時04分鐘後，點擊已突破1千萬，創韓國歌手MV最快破千萬點擊紀錄，同時BTS嘅新專輯《LOVE YOURSELF 承 “Her”》喺全球73個國家同埋地區嘅iTunes專輯榜上都排第一名，即時成為該榜獲得最多冠軍嘅韓國歌手。而到韓國時間今日下午6時，《DNA》喺公開20小時48分鐘後，MV點擊更破2千萬點擊，繼續刷新紀錄。

另外，現時忙於拍攝新劇嘅39歲女星河智苑，噚晚就喺Instagram晒同BTS嘅21歲成員V嘅合照，仲留言應援BTS嘅《DNA》，兩人雖然年齡相差18歲，但都冇代溝。網民見到二人合照都大感驚訝，估唔到兩人咁老友，有網民仲問佢哋係唔係約會0添。