強國一向對版權呢樣都係要問一句「你有freestyle嗎」，咁當然free得就free，不時「參考」韓國節目，好似韓國熱播綜藝節目《尹食堂》講4位韓星去峇里一個小島挑戰開10日韓國餐廳，咁大陸湖南衛視節目就有《中餐廳》(新聞連結： http://bit.ly/2u0B4Pn )，搵咗趙薇、黃曉明、張亮及周冬雨等去泰國15日開中餐館，分別做店長、幫廚、老闆娘等職位，趙薇同張亮都係煮得之人，應該冇咩問題!

趙薇、黃曉明及周冬雨近日現身當地機場，去到一個泰國海島準備開「餐廳」之旅，之不過早前呢個節目疑抄襲《尹食堂》已經搞到韓國網民勁嬲，就連大陸網民都唔撐，稱「感到好丟臉」，《尹食堂》製作單位之前亦表示「目前沒有授權海外版權」，不過o依家製作方都係照拍。

唔通呢啲只可以講如有雷同，實屬巧合……