宇宙巨G.E.M.(鄧紫棋)噚晚喺紅館舉行「X.X.X.Live世界巡迴演唱會」第二場，宇宙巨G.E.M.一開場就又叫、又「ｘ嗌」，觀眾反應都好熱烈，不過，真係比較多內地支持者捧阿G.E.M.場，周不時有人用普通話高呼「我愛鄧紫棋」，反而嗌廣東話嘅示愛聲真係冇乜。

宇宙巨G.E.M.喺個唱中，不時刻意講「愛香港fans」，從中希望得到香港觀眾嘅認同。未知宇宙巨G.E.M.係唔係唱得太過投入，唱到《想講你知》嗰陣，居然唱咗"Idon'tcareHongKong"，其實句歌詞應該得"Idon'tcare"，唔知點解忽然喺歌詞後面，忽然大叫「HongKong」，變成"Idon'tcareHongKong"，呢啲究竟係無心之失，定係……