陳奕迅（Eason）今年9月出咗張廣東EP《四季》，亦係佢今年唯一派台歌，佢日前喺銅鑼灣接受本報訪問，講到有《四季》呢首歌係多得蔡穎恩，佢話：「2012年我做完巡迴之後放假，有日上去錄音室探班，咁啱就係蔡穎恩喺度錄緊音，我聽到首歌好鍾意，想試唱吓。」

做完巡唱鬆晒

之後蔡穎恩好關心呢首歌幾時推出，Eason話：「今年我幫內地一個廣告搵歌，忽然諗起《四季》呢首歌，所以我哋再編過首歌同寫國語歌詞叫《I Do》，但我覺得應該要有首廣東版，因為香港樂迷都會想聽。」Eason話同蔡穎恩、作曲嘅周國賢溝通過：「佢哋絕對唔介意，仲話首歌出到好開心！」
Eason又話做完巡唱之後成個人都輕鬆晒，最近一有時間就去行山。咁幾時得閒同老婆徐濠縈幫囡囡康堤生個細佬妹？Eason笑話：「我準備啦！造人要睇感覺、心情。」
撰文：馮仁昭
髮型：Derek Li of Xenter
化妝：Karry Wong
場地提供：心燒食堂