當年今日
關於我們

【好誠實】連格著14號 竟然因為阿仙奴名宿?

蘋果日報 2017/06/14 11:38

英超阿仙奴曼聯亨利連格14號英國足球

英超球員平時畀人問到點解會著某一個號碼嘅波衫,答案通常開不開話係球隊畀或者自己著開、聲稱係自己幸運號碼,又或者係想效法球隊名宿,但係曼聯中場連格嘅答案就好另類,因為佢上季由原本嘅35號波衫轉為14號,並唔係因為好似阿倫史密夫、祖迪告魯夫或者簡察斯基呢啲曼聯名宿著過,而係因為阿仙奴名宿亨利。
24歲嘅連格接受曼聯官網訪問嘅時候,被問到係乜嘢令佢上季會由35號轉為著14號,佢嘅答案好誠實︰「我只係覺得呢個係一個好好嘅號碼,好明顯,亨利著佢嘅,而佢係足球界一個偉大嘅人物。」連格好坦白︰「佢(亨利)喺我年輕啲時候係一個好出色嘅射手,我好敬佩佢而且睇過好多佢嘅入波,我覺得14號係一個好好嘅號碼。」雖然大家都會認同亨利係偉大嘅射手,但連格作為曼聯球員,公開咁表示自己對一位阿仙奴名宿咁欣賞,唔知魔迷又會點諗呢?!
empty
連格(右)係因為阿仙奴名宿亨利而揀著14號波衫