黎耀祥和張可頤合演的無綫劇集《法證先鋒III》，上周收視平均有33點（211萬人），最高有36點（230萬人）。

眾演員今日在電視城出席記招，談到收視，祥仔說：「唔好話係我，係我黐到個王牌監製，不過好開心，時裝劇擔正係第一套，多條路行。」

雖然成績好，但祥仔直認冧莊奪視帝機會不大。至於心水視帝，祥仔說：「如果戲我喜歡鄭嘉穎，我精神上支持林峯，如果要我投票我投林峯。」