【新增動新聞】
武漢肺炎肆虐香港，市民均減少外出，不少機構亦安排員工留家工作，餐飲業生意大受影響。港府「佛系」抗疫，餐飲業界被迫自救，其中有店舖拒絕中國客入內用膳，亦有店舖實施進店量體溫，希望食客除口罩後仍能「食得安心」。

政府公務員今日起陸續復工，不少私人機構料亦會「跟風」安排員工上班。灣仔如意冰室私房菜老闆Paul表示，暫不會預期生意會因復工好轉，「今朝早餐都唔覺好咗」。Paul提到，早前農曆新年期間生意一度大跌6成，其後在黃店平台「和你eat」告急後，獲不少同路人「撐場」，生意額才有所回升，惟未能止蝕，仍比平常下跌兩成，現正與業主商討減租，希望「撐得幾耐得幾耐」。

光榮冰室早前表明暫不招待說普通話客人，遭平機會警告及威脅檢控。因應港府不封關，如意冰室亦唯有自救加強防疫，現時全部員工均戴上口罩，以及勤消毒雙手。除此之外Paul亦在餐廳外貼告示，表明暫不招待中國客，「冇辦法……啲大陸人嚟到真係唔知有冇帶菌」。他又指，不擔心會因此被檢控，「唔招待國內嘅人都係求一個安心……主要係政府唔封關」，更反問港府早前對韓國實施封關，「咁又係咪歧視呢？」

該餐廳副經理阿dee表示，認同老闆決定暫不招待陸客堂食，因為做法可以令客人食得安心，「可能聽到隔籬枱講普通話，佢哋都會驚會走」，亦可以保障需長期接觸客的員工，「買個安心畀自己囉」。由逆權運動至全民抗疫，港府不作為迫使民間「自救」，阿dee認為最大責任在政府身上，「所有嘢都係佢一手造成，但變相要全香港人同佢一齊埋單。」

同樣位於灣仔的任點美食、其老闆吳先生指，受疫情影響生意額大跌一半，「我做咗十幾年飲食，而家係經歷緊最難嘅時候……沙士都冇咁犀利。」就公務員今日復工，他表示，上班時亦發現人流有增多，故預期生意會稍為好轉，但強調人變多反而要加強防疫，防止社區爆發。

吳老闆又指，為令食客安心，現時員工均會戴上口罩，舖內亦會清潔消毒，並為堂食客人量體溫。另外，他亦分裝好一批口罩及搓手液，派發給有需要的客人，雖然為數不多，但亦希望為市民出一分力，「香港人唔係自私㗎嘛，為咗大家安全，要就可以開聲攞。」

-----------------------------
【未敢忘記】03年沙士重溫
立即按此
-----------------------------
無懼警暴 學懂自救
《抗暴之戰●法例須知》讀果 上架
-----------------------------

《果GYM》隨身播 　健身壹App過！

一按即玩