小時候,Jan每年夏季都會與兩弟弟到泳池暢泳,換來一身黝黑皮膚,還有人誤會她是中菲混血兒,Jan說:「啲人見到我會同我講英文,有啲仲誤以為我mix菲律賓。」
百厭的Jan還曾於半夜偷入泳池玩水,最離譜是她與數名同學合力弄破泳池外的鐵絲網,然後潛入泳池,她說:「我屋企隔籬就係泳池,有一晚我同幾個同學仔整爛個鐵絲網,之後就跑入去中童池游水,但係我哋個個都冇着泳衣,後來發現有看更巡邏,我哋就即時逃亡,阿媽見我成身濕晒,審問之下就打咗我一身。」
至於阿嵐,她讀小學六年級時與女同學到泳池耍樂,竟被無恥救生員出言性騷擾,她扁扁嘴說:「個救生員講啲好變態嘅說話,問我哋身材發育得夠成熟未。」
阿嵐謂當時少不更事,只懂笑,之後便急急腳走開,自此她便對救生員沒有好感。
採訪:李珮洳 攝影:仇志德
髮型:
[email protected] 化妝:
[email protected] 服裝提供:MissSixty,Killah