千億新抱徐子淇今日帶病到馬鞍山為紅封包比賽擔任評判,胡應湘夫人及歌手王梓軒亦出席。
子淇喺現場甚受小朋友歡迎,佢甫見記者即自爆話:「噚晚宵夜食焗豬扒飯出事,搞到爆腸胃炎,今日睇完醫生打針至過嚟,每晚同老公都會食豬扒飯或通粉先瞓,個女有時都會食,我個女好識補,鍾意飲湯、食鵝掌同海蔘,試過一次過食3條海蔘,不過就冇畀仔女食燕窩,怕有太多激素。」
問佢擔唔擔心女兒太補?子淇話:「我唔想個女咁細個有肥嘅感覺。」佢繼續話:「我自己都鍾意食零食,會收埋喺個櫃度,個大女自己拎嚟食,一包薯片可以接受,細佬見到都會跟,有時都會用薯片引誘佢哋做功課。」