當年今日

插蘇鼻姨姨變巨乳V臉女
「易容級」化妝震驚網友

蘋果日報 2016/12/08 00:00


子華神嘅金句,絕對係跨地域!講緊係佢嘅名句:「你落咗妝,我認得你,咁先至叫化妝,落咗妝唔認得,呢啲叫喬裝...」

事關台灣一位素人化名「神田紗織」,憑住「娃娃臉」加無敵巨乳,吸引近萬人追蹤佢嘅facebook,佢不時喺fb晒澎湃上圍,加上PS後嘅相--白滑零毛孔再加孖辮cutie look(好似係),似足日本水着女。

正所謂「人怕出名,豬怕肥」,呢位持有白滑童顏嘅巨乳台灣網絡紅人(好似係),日前終於被人肉搜尋到真實容貌!唔少網民見到紗織真身,下巴幾乎跌到落肚臍。紛紛留言:「跪求修圖技巧!嘴巴怎麼修的?」

睇番紗織「真身」個樣,插蘇鼻、大眼袋,暗黑...呀!唔係,黝黑皮膚,同facebook所po嘅白滑少女相,真係用液壓機都撳唔埋。

被人踢爆「真身」後,紗織就喺facebook貼文:「巨乳我驕傲。甚麼叫別用奶騙追蹤?有不露奶的照片啊!不喜歡就別看!」