當年今日

廣東話醫護隊治療九份傷者心靈

蘋果日報 2004/10/26 00:00


「啲傷者見到個講廣東話嘅醫生同護士,即刻安樂咗好多!」十月十八日晚上七時半,台灣九份車禍發生五小時後,本港東區醫院急症科部門主管劉楚釗及專科護士劉炳發臨危受命,即時飛往台灣協助傷者。他們雖限於法例不能加入救援,但憑着同是香港人的身份,給予傷者最貼心的安慰和支持,為他們重創的心靈療傷。

「即刻捉住我哋隻手」
劉楚釗憶述,當晚十二時許到達台灣,即時走訪三間醫院,了解傷者傷勢。「啲傷者真係好需要幫忙,而我哋幫到佢哋如釋重負,安樂好多。」劉炳發也認為不枉此行,「呢幾十個鐘真係充滿挑戰,好難忘。」他坦言,令他最感安慰的是當他啟程返港時,傷者的面容已由起初的憂傷繃緊,變得「安樂啲、放心啲」。
另一支由一名醫生及兩名護士組成的醫療隊伍也在車禍翌日出發往台灣,負責運送傷者返港。素有飛行救援經驗的仁濟醫院急症室醫生尹志堅及急症室專科護士林啟昌,成功運送多名傷者返港,其間更為病人奉上「心靈止痛藥」。尹志堅說:「我哋一開聲講廣東話,傷者即刻捉住我哋隻手。」二十七名已返港傷者中,仍有八人留院,全部情況穩定。另有一名傷者今日返港。
記者:陳倩雯