(新增回應)

資深演員俞明，今年已經94歲，其家人在社交網上載俞明叔為家人慶祝生日嘅相片。見俞明叔精神不錯，仲幫忙切蛋糕，與家人及愛犬影大合照時，更豎起手指公，樣子好精靈。雖然只係喺屋企簡簡單單慶祝，而蛋糕款式亦好普通，但一家人齊齊整整，感覺好溫馨。蛋糕上面寫住﹕「阿翁+婷婷，祝身體健康，萬事如意」。

2014年，俞明叔撐住柺杖在女兒陪伴下，現身「ETY好友會」聯歡晚宴。當時俞明叔表示自己會手軟腳痛，比較論盡，但在晚宴上亦談笑風生。至去俞明叔疑天氣太熱，體力不支在街上暈倒，家人透露因支氣管炎及感冒入院，幸無大礙。

《蘋果》今日打比俞明叔，接電話係佢二女，佢話俞明叔而家唔係好方便講電話，問到日前係唔係俞明叔生日，俞明叔二女就澄清話：「其實係一場誤會，我爸爸係舊曆3月18日生日，足94歲啦，嗰日係我先生同個女生日，老人家開心一齊切蛋糕啫。」

精選娛聞，喺晒《娛果》
http://fb.com/appledailyent