現年50歲的「美魔女」羅霖自離婚後在娛樂圈的發展越來越好，繼有拍陶傑執導的電影《愛．尋．迷》、出寫真集又宣佈出唱片及搞演唱會，近日她亦由深井娘家搬往又一村的豪宅居住。昨日更有雜誌報道指羅霖背後獲身家百億、有「拉鏈大王」之稱的熊宏海支持。

租樓靠自己

昨日羅霖在大埔鳳凰衛視URadio的節目擔任嘉賓，她接受記者訪問時表現非常勞氣說：「今日見到報道，如果我搵人包養，我一定買樓唔租樓，熊博士係我拍《愛》片時陶傑介紹我認識，佢係齣戲其中一個投資者。」至於報道所講對方搞的百萬生日會，其實只是電影公司宣傳噱頭，生日會亦只花了10萬，其餘由影迷會跟羅霖包底。不過她承認為了讓10歲的囝囝有獨立房間，所以提升了居住環境，更可以證明給三個兒子看，母親是可以靠自己，同時強調今次引起全城哄動的寫真，最後沒有錢賺。
被問到跟「拉鏈大王」的關係，羅霖否認被包養，她說：「我做得呢行，食得鹹魚冇所謂，但係影響到人哋家庭就唔好，人哋係低調生意人，影響人哋太太都唔好，娛樂公司嘅工作都唔係熊博士邀請我。」她笑言擔心事件會嚇走有意追求自己的人。當談到三個兒子的教育費時，羅霖語帶嗚咽說：「大仔學費每年40萬，另外二仔就未升大學，本來我哋係（與前夫劉坤銘）共同撫養，一人一半，但𠵱家我佔咗三分二，我要搏命做，有大水喉我就唔使咁辛苦。」她表示早在離婚後就有人提出包養條件亦沒有接受。
採訪：張俊銘
攝影：葉君海