隔牆有耳：
「我選舉時你都唔知喺邊」
卿姐訓斥陳岳鵬 - 李八方
蘋果日報 2015/10/20 00:00
民主黨主席劉慧卿早前當面教訓《城市論壇》新主持蘇啟恆係「儍仔」，話自己冇將「中華人民共和國」講錯咗做「中華民國」，最後證實自己錯咗要Say Sorry。卿姐呢個「前輩格」似乎未洗甩，噚日輪到最年輕嘅政制及內地事務局副局長陳岳鵬被斥「堅離地」，話自己參選時對方都唔知喺邊度。曾獲新民黨主席葉劉淑儀栽培火速上位、以致其後好多人搵葉劉做「跑道」嘅陳岳鵬，既然收得20萬人工，預咗受靶啦，係咪？
立法會政制事務委員會噚日討論增加選舉開支，政府話會按候選人名單嘅得票、乘以每張14蚊批出候選人資助經費、又或者以該選區選舉開支限額嘅一半計算、甚或資助候選人嘅全部選舉開支。三個價錢，邊個最低，政府就資助邊一款。
立法會政制事務委員會噚日討論增加選舉開支，政府話會按候選人名單嘅得票、乘以每張14蚊批出候選人資助經費、又或者以該選區選舉開支限額嘅一半計算、甚或資助候選人嘅全部選舉開支。三個價錢，邊個最低，政府就資助邊一款。
譚耀宗頂唔順「堅離地」
卿姐聽完就火滾，話除咗超級區議會一張名單能以選舉開支限額嘅一半獲資助外，其餘所有地區直選名單，全數都係以有效得票乘以資助額而獲資助。
陳岳鵬最初唔識死駁嘴，話候選人選舉開支唔大，就可以攞番所有選舉經費㗎嘞。其實係人都知選舉係燒銀紙遊戲，開支點會唔大？難怪卿姐即時大鬧：「唔該你唔好堅離地啦，你睇吓實際啲數字先嚟同我哋講嘢，你估我哋未選過舉咩，先生？我選舉時，你都唔知喺邊度。」
其實陳岳鵬聽完都忍住道氣冇回應，反而係委員會主席譚耀宗話卿姐唔使咁樣批評陳岳鵬，但其實譚耀宗都頂唔順政府，話陳岳鵬所講「使少啲錢」嘅例子脫離現實，因為現實係唔會出現使少啲錢、就會有好多人支持。從兩位老前輩嘅發言，年僅33歲就做副局長，陳岳鵬似乎真係太年輕了。
陳岳鵬最初唔識死駁嘴，話候選人選舉開支唔大，就可以攞番所有選舉經費㗎嘞。其實係人都知選舉係燒銀紙遊戲，開支點會唔大？難怪卿姐即時大鬧：「唔該你唔好堅離地啦，你睇吓實際啲數字先嚟同我哋講嘢，你估我哋未選過舉咩，先生？我選舉時，你都唔知喺邊度。」
其實陳岳鵬聽完都忍住道氣冇回應，反而係委員會主席譚耀宗話卿姐唔使咁樣批評陳岳鵬，但其實譚耀宗都頂唔順政府，話陳岳鵬所講「使少啲錢」嘅例子脫離現實，因為現實係唔會出現使少啲錢、就會有好多人支持。從兩位老前輩嘅發言，年僅33歲就做副局長，陳岳鵬似乎真係太年輕了。