今日港台喺荃灣舉行活動，鍾舒漫、謝安琪、黎耀祥同梁榮忠都有出席，近日彭懷安（Eddie）同朱慧敏婚前被發現「偷食」，Eddie被指係「吳浩康翻版」，吳浩康舊愛鍾舒漫就話:「一單還一單，對呢件事我冇特別感受，覺得難得一齊要珍惜關係。」至於可覺得朱慧敏應唔應該斬纜先解決問題，佢話:「唔係分唔分嘅問題，問題係要解決。」

而曾經與朱慧敏發生過「車震事件」嘅梁榮忠就話唔評論人哋嘅事，佢話：「我冇睇新聞，關於其他人既野唔方便回應，同自己冇關係嘅，旁人唔應指指點點，留俾當時人處理。」

另外，謝安琪讚阿仔思想正面又成熟，仲係佢同老公嘅老師，仲覺得囝囝愛錫自己好有男人味。