日本女歌手濱崎步被指身形脹爆，最近開騷更驚變恬妞及盧苑茵，近日佢又再惹來網民熱話，事關佢喺Instagram公開近照，一張穿上白tee嘅靚相，當放大睇真啲，再加些少想像力，有人就懷疑步姐似乎真空上陣，有網民仲話睇到其胸前透出疑似乳暈，繼而引起熱烈討論，目前步姐就未有任何回應。

步姐呢期真係新聞多多，上星期佢更透過官方歌迷會網誌表示健康正走下坡，除咗膝蓋骨六年來一直惡化已接受手術，其右耳聽力亦開始衰退，係步姐繼2008年公佈左耳失聰後再傳來壞消息。