呂慧儀早前連續4年成為一間美容中心代言人，最近佢仲帶挈老公黃文迪，雙雙以6位數酬勞夫妻檔拍攝全新廣告。

呂慧儀自從去年加入媽媽行列後，一直堅持塑身，o依家已經係辣媽一分子。拍攝當日呂慧儀同老公以多個不同造型拍攝，黃文迪大騷肌肉，而呂慧儀就露背、露腰兼露腿，身為模特兒及導師嘅黃文迪，更即場為老婆教路，其中一個拍攝場景舖咗絲綢，黃文迪同太太一直十指緊扣，小心翼翼拖住呂慧儀，十分體貼，呂慧儀甜笑話：「由拍拖到結婚，直至o依家我哋都好甜蜜㗎。」

講到有否再造人嘅計劃，呂慧儀笑指想生多個女，佢話：「咁就可以仔仔叫蟹籽，女女叫沙律。」人哋一仔一女就湊個「好」字，佢就係湊到「蟹籽沙律」，真係好搞笑。