日本組合HKT48嘅兒玉遙多次被疑整容，本月佢現身活動時竟發福現身，繼而惹來患病揣測。

兒玉遙日前聯同隊友穿着制服出席公開活動，見佢面圓圓兼有雙下巴，雙腿亦粗壯唔少，即時嚇親廣大粉絲，有人懷疑佢係食抗抑鬱藥致肥，擔心其健康情況，而兒玉遙噚晚就突然透過官網表示以健康理由會稍作休息，現階段會聽從醫生建議專心休養，連一切社交網都不會更新，但就承諾會回復狀態，仲叫各位fans記住要等佢回歸。

其實，21歲嘅兒玉遙係HKT嘅主將之一，以前亦曾因壓力過大而停工休息，今次情況似乎更見嚴重，教廣大粉絲大嗌心痛。

更多娛聞，喺晒《娛果》
http://fb.com/appledailyent