當年今日
關於我們

【「摩法幻影」將失傳】再無保留餘地!大摩踩行油衝最後直路

蘋果日報 2020/06/13 16:05

大摩駿皇綵新力寶信心保證高瞻遠矚一代莊主摩法幻影

大摩玩埋今季就拜拜,近期呢個倉攻勢不斷,散倉在即啲馬梗係盡量榨乾佢。
之但係最奇怪摩廐馬贏親都好分,最近三隻Win都有肉食,呢樣至係大摩神奇之處。
隨住佢嘅離開「摩法幻影」將消失於香港馬圈,大摩會唔會爭番個冠軍練馬師榮銜劃上完美句號?
以大摩之功力當然有咁嘅可能,雖然家陣姚本輝59Win,大摩要追八Win起碼,之但係跑馬世界無任何事情係不可能,正如伍晃榮金句「波係圓嘅」。
第二場五班1400米草地「一代莊主」,3月至轉去大摩度,時間無多情況下亦肯收,應該有啲把炮。
跑過兩場摸清個底,咁啱40分落到第五班,成場馬今季贏過只有「鑽石達人」、「陽明秋秋」,真係唔敢話睇死佢!
其餘嘅馬,最惹人注目嘅自必係配潘頓嘅第八場二班1200米泥地「駿皇綵」、第十場三班1200米泥地「新力寶」。
「駿皇綵」久休復出效果難料,但埋門課泥閘叫做跑個第二,至於後駒幾經辛苦,終於跑番正常第三班評分區域賽事,應該可以食級數。
講開食級數,第四場二班1600米草地「信心保證」用周俊樂減十磅,第七場三班1800米草地「高瞻遠矚」換七磅仔陳嘉熙,減完磅之後真正係食級數,
「信心保證」上季99分贏馬,家陣92分再減多十磅,後駒近兩場跑三班之之左左都近。
今場孭114磅對呢匹體重僅過1,000磅馬仔嚟講,簡直曉飛咁滯!
--------------------------
【馬上看經典】迴光反照莫此為甚!「奔騰」創遮打盃另一經典
即睇今期《馬上看經典》
--------------------------
馬匹賽績、騎練數據、名家貼士
【最強贏錢武器盡在蘋果馬網】
刨馬撳呢度
--------------------------
《果GYM》隨身播 健身壹App過!
一按即玩
empty
新力寶(深藍衫)季內未嘗一勝