近日網上熱傳一條交通警多番扶起翻側鐵馬不果的短片，被網民嘲笑警員體能不足，加上以錯誤方法扶起，質疑學堂有否教授相關知識。

片中該名交通警的鐵騎向右翻側倒卧馬路中央，警員在右邊正向車身，並雙手托住車身嘗試推起，惟多番嘗試都不成功，片中有女聲更問「嘩好重㗎架車？」，後來有熱心市民上前相助，在鐵馬另一邊拉起，可惜鐵馬仍絲毫不動。

有網民留言笑稱「警察哥哥想幫手要開聲嘛，如果唔係一陣間又告我毀壞公物」，又質疑警員體能差，未能駕馭「搵食工具」。有不少網民則貼上其他影片教授正確扶起電單車的方法，指警員應背向車身，一手抓住手柄，一手抓住車身如座位扶手，踎低再以背脊及下肢力量輔助推起。另外亦有網民貼上一段由警方拍攝的短片，片中交警側身踎低，雙手抓住扶柄，以下盤力量一把推起翻側的鐵馬，不少網民隨即質疑該名交警訓練不足。

不過亦有網民指該電單車重量達200至300公斤，加上警員自身裝備不少，指警員無力扶正鐵馬都情有可原。

【網民點睇？】
●Vito Ng：單車咩，好重架，綿羊仔都唔小野，自己已經負重幾十磅，架野都有四百磅
●Man Waikwan：架車唔計裝備都已經重，連埋裝備有259KG，幾多人夠力。拉唔起好正常。
●Shingo Yu：邊個咁on9幫佢逗呀？陣間隨時屈返你整壞佢部車
●Wyan Ng Yuk Yan：你以為個個啊蛇都係飛虎隊咩，係交通部做得最多係緊係文職野，拎支筆，抄過無數牌
●Max Jacob Kwan：話重嗰啲，睇下個女人點的起部800幾磅既Harley 啦。
●David Chan：香港班差佬紙紥咁，我驚佢地行行吓beat心臟病發囉