阮兆祥今日到商台宣傳十月舉行個人演唱會，同步在製作新發燒專輯，他說等了這時刻已30年，又感謝各方好友幫助：「SuperGirls嘅Aka幫我畫唱片封套，專輯入面我翻唱咗《天各一方》，又邀請到前輩胡楓（修哥）幫我獨白。」

祥仔稱在錄音室聽到修哥用有經歷和滄桑的獨白後，自己亦不禁眼濕濕，笑說若修哥有興趣，亦希望請他上台唱一段：「修哥今次係無酬演出，原本我準備咗利是，結果佢嘅太極功太厲害了，根本無辦法塞畀佢。」又透露邀請到Judas擔任演唱會嘉賓，因大家曾在音樂節目合作，又曾和對方一同Busking，發現大家聲音相當合拍。

關楚耀（Kelvin）今日到商台宣傳新歌《樹窿》，他稱歌曲由方皓玟創作：「其實幾年前佢畀過一首歌畀我，但機緣巧合下我冇要到，好彩佢自己要番，因為呢首就係《分手總約在雨天》成為咗佢嘅經典。」講到今次新歌，Kelvin話是方皓玟為他度身訂造，自己相當喜歡。

Kelvin又透露最近簽約邵氏，希望日後可多嘗試演員工作：「入行一段時間都係歌手身分多啲，未試過簽電影同拍劇嘅經理人公司，所以係個新嘗試，都係兩年前嘅《特技人》驅使，鍾意做演員，同劇組嘅團隊精神，所以今年同樂小姐傾，佢哋又畀機會我試。」而暫時就稱會專心宣傳，望年底前再推出兩首新歌。

採訪、攝影：曹家誠

-----------------------------
【撐學生】
召集有心人 撐學生全年睇《蘋果》
立即按此