黃大仙孔教學院大成小學欲讓逾期居港的12歲男童肖友懷入學，數十名本土派人士今早校外抗議，期間有人在外牆貼上「偷渡」、「賣港賊」及「大成小學之我同學係人蛇」等字句。現場所見，該校多名學生在示威者離場後來到，有學生撕走大字報，有女學生見學校門外被貼大量大字報，忍不住哭訴：「點解要貼呢啲嘢呀？」不過，教育局局長吳克儉稱，從傳媒報道得知示威者採取比較激烈行動，「拍打學校一啲嘅玻璃門，其中一個女同學呢，係驚到呢，大喊嘅，我喺度呢係覺得非常遺憾……真係要呼籲大家要保持克制，唔好影響啲同學仔」。

吳克儉指，希望各方用合情、合理、合法方式，在互相尊重的情況表達意見。他又說，相當關注肖友懷的處境，知道局方已與相關政府部門和有意取錄肖的校長保持緊密聯絡，若確定對方符合入學條件，如獲發有效證件或居留權等，會即時協助他取得學位。

該名女學生向傳媒哭訴，認為即使有人犯法，亦不明為何學校會被人貼這些字句，「點解啊？我哋學校一路淨係想畀啲新嘅同學知道知識，個個人都唔知道……犯咗法又點喎！點解要貼呢啲嘢呀？」及後多名學生及校工將有關大字報撕走。