候選港姐Chloe流出爆粗片 狂鬧前度：一X定有報應
蘋果日報 2021/06/17 00:52
港姐Chloe梁允瑜爆粗
昨日港姐進行複選，由於篩走一班「非主流」的參賽者，現場所見，入選佳麗重拾正軌，回歸選美標準。可是，其中有份入圍的梁允瑜（Chloe），昨日卻在網上流出爆粗短片。兩條片加埋雖然不足1分鐘，但片中的Chloe卻句句精警、字字珠璣，內容是鬧爆前度，更直指很後悔和對方一齊。由於她邊拮着魚蛋，邊對着鏡頭咬牙切齒，每句說話都幾乎夾雜流利粗口，有網民指她是典型港女、亦有人說她MK妹上身。
片中她對着鏡頭向前度說：「我同你講，我呢世人最黑、最唔好彩就係識到你，我好X後悔同你一齊，一X定有報應，X你老X，食屎啦你。」至於另一條片，Chloe繼續發揮爛口本色：「你咁無品得唔得㗎？你咁X賤得唔得㗎？喂，其實我同你一齊真係唔係好開心㗎咋，即係我同其他人一齊，應該仲開心過你，我同你講，你比第一個hurt得我仲深囉！你幾時x街死？」有指Chloe讀大學時曾和男友鬧翻，而這段爆粗片段便是該段時間拍的。
其實過往歷屆港姐包括馮盈盈、陳曉華、麥明詩及謝嘉怡都曾被人爆試過爆粗，不過以上4人統統奪冠，如今Chloe秉承「傳統」，對今次參賽有利還是有弊，拭目以待。
Chloe拮着魚蛋對着鏡頭爆粗，MK味濃。（網上截圖）
在鏡頭前，Chloe不時咬牙切齒現出兇狠樣。（網上截圖）
Chloe昨日成功入選港姐複選。
在台上表現斯文淡定。
IG放有不少性感誘人照。（IG圖片）
（IG圖片）
-----------------------------