英國女星愛瑪屈臣（Emma Watson）主演嘅迪士尼真人版《美女與野獸》（Beauty and the Beast）已於本港、韓國及北美等地上映，雖然電影有同志角色而引起爭議，不過未有影響票房，上周四於韓國上映後即奪韓國週末票房冠軍，而且三日就突破百萬入場人次，比韓國最賣座嘅迪士尼電影《冰雪奇緣》（Frozen）仲要快突破百萬人次。

《美女與野獸》於韓國掀起熱潮，近日就有網民提議，假如韓國拍攝《美女與野獸》，最啱演「貝兒」嘅韓國女星係韓劇《Doctors》嘅朴信惠，指朴信惠除咗演技好之外，而且唱得又跳得，加上朴信惠又成日穿長裙以女神look現身，故網民認為佢跟「貝兒」嘅形象好夾。

至於「野獸」一角，網民提議由朴信惠好友尹均相飾演。網民表示朴信惠跟尹均相先後於韓劇《愛上Pinocchio》及《Doctors》合作，二人非常有默契，加上尹均相1米87嘅身高及暖男形象，都符合「野獸」嘅角色要求。

網民認為「加斯頓」一角可以由韓劇《Missing9》男星崔泰俊飾演，網民推選崔泰俊係因為佢於《Missing9》中自私自利嘅形象令觀眾太印象深刻，覺得佢可以演好冷血嘅「加斯頓」。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。