當年今日
關於我們
隔牆有耳:長毛、曾鈺成「撐枱腳」 - 李八方
蘋果日報 2012/02/02 00:00
長毛(左)噚日喺立法會餐廳,同曾鈺成撐枱腳討論放氣球問題。陳雪玲攝
財爺曾俊華噚日發表任內最後一份預算案,長毛梁國雄當然早有準備好好「招呼」佢。長毛一入會議廳就重施故技,放出個「還富於民」氣球,等鬍鬚曾讀預算案時篤眼篤鼻,立法會主席曾鈺成「秒殺」長毛,即時下令逐佢離場。
曾鈺成早前以安全為由,禁止議員帶氣球開會,長毛噚日要用紅白藍袋「偷運」入場,仲刻意喺袋口放幾本書以避過保安耳目。散會之後,曾鈺成去飯堂醫肚,俾長毛逮個正着,長毛即刻上前理論,話曾鈺成只講唔畀帶氣球,冇話唔准放,質疑對方裁決不公喎。長毛咁樣捉字蝨,又點拗得贏曾鈺成呢?