尼馬幫巴塞隆拿捧得西班牙盃後，正式放假，現在就身在日本原宿，出席由佢代言嘅意大利手錶品牌Gaga Milano嘅新錶發佈會。呢隻黑色型格新錶當然係同尼馬crossover，上面有「njr」個logo喺上面，最得意係錶上啲數字好靚，而且「5」、「6」同「7」呢三個數字，就被「njr」代替咗，而個「11」仲特登用上金色，突出尼馬喺巴塞所屬嘅波衫號碼。

另外，同場仲有著名日本相撲手日馬富士公平撐場，同尼馬老友鬼鬼攬頭攬頸。