培叔年輕時任職製衣廠的衣料推銷員，「80年代嗰陣香港好多（製衣）廠，雖然競爭大，但收入都幾可觀」。惜80年代後期幾乎全部工廠北移內地，「我做呢行幾十年，冇其他技能，咪被人淘汰囉」。他轉行做保險經紀，惟尚要供養內地來港的妻子和當時剛出生的女兒，入不敷支，欠下巨額卡數，無奈申請破產。
「我都算係有啲知識，但面對咁嘅經濟環境，乜嘢工肯請都做。」培叔幽幽地說。他現時任職保安員，日做12小時，月入僅逾一萬元，咬緊牙關應付一家三口的生活。惟培叔太太在去年初向他提出離婚，並和4歲女兒輪候公屋將遷出。培叔每月付數千元贍養費後所剩無幾。
福無重至、禍不單行！去年中他發現雙眼視力衰退，始知「糖尿上眼」，及後接受激光治療，左眼的病情卻持續轉差，故醫生建議他注射三針Ranibizumab，每針約8,700元，惟他難以負擔。培叔的女兒獲配公屋前，仍暫住培叔家中，「我每晚返屋企仲會幫佢睇功課，我仲想返工養大個女，唔想之後睇唔到嘢！」他由衷地說。最近他獲一個慈善基金撥款8,000元買藥，餘下療程的藥費約1.7萬元亟待《蘋果》讀者施援，助他保住視力！
「培叔」捐款編號：C3599
網上捐款：
http://charity.appledaily.com.hk/donate