今日（24日）沙田七草三泥賽事，草地用全闊A欄作賽，度地儀指數2.73，場地掛牌為好地。今日將不會進行壓地。

睇番上季9月25日首次田草A欄賽事，當日掛牌好至快地及度地儀指數2.71，放頭馬無一能勝，僅兩駒入位，反而居中後上馬連場建功，如「索先生」、「君臨大地」及「縱橫大地」都係從中後位置反先對手勝出，靠後勁食糊馬不妨優先留意。

今日第五場「紅麗舍」跑田草A欄一次即勝，其他移欄未贏過，今次返強項可言勝。另外，第三場「金鹿」乃全場唯一贏過田草A欄之參戰馬，憑較佳場地性能，有機會重開勝門。

泥地方面，硬度計指數8.65，掛牌為濕慢地。今日三場泥地均為1200米，今季兩場同程之放頭馬「大收成」及「雲信凡高」均上名。

因此今戰第二場「御風雲」、第六場「勇冠多」及第八場「雲信凡高」等擅跑泥地之快馬可秤先。