黃又南今日喺銅鑼灣出席代言零食活動，佢向來鍾意食甜品，被取笑係食家，佢強調係甜品方面嘅食家，佢話平時食得太多糖，結果被經理人禁止，而且牙齒要杜牙根，佢話：「大陸有個演員提我要多飲水，我都要提自己飲，腎虧就大鑊。」

另外，有傳又南緋聞女友杜如風與助手Alvin拍拖，硬撬女化妝師Jenny牆腳（新聞連結： http://bit.ly/2t88SKM ），又南笑說：「都話我哋結咗婚，認咗頭好耐啦！其實我同Alvin都唔係，佢（杜）好慘，永遠都冇。」據又南所知，「三角戀」主角們冇因此影響關係，佢話：「我哋識咗好耐，一齊玩嘅，Jenny仲講笑問影相時佢使唔使行埋一邊。」