前日商台DJ Colin在北角渣華道橋底地攤,發現一個2013年新城勁爆頒獎禮的「新城勁爆躍進歌手」獎座,好奇下拍照後放上社交網,竟掀起一場羅生門事件。Colin透過短訊回覆《蘋果》,指他不知道屬於哪個歌手,只是在一個地攤中見到。他說:「我影咗相,冇問價走咗喇,趕住去打邊爐呀!」
事後,網民鎖定五位當年獲得該獎座的歌手,包括連詩雅、羅力威、龍小菌、蔚雨芯及吳彤,不過所有歌手都予以否認,龍小菌更第一時間拿着獎項拍照放上網。而已移居加拿大的吳彤,他接受《蘋果》訪問時說:「上年飛之前擺入倉的,個盒係大會連埋個獎一齊畀我哋放獎嘅。會唔會真係做多咗或者係sample?我真係冇諗過離開咗香港成年仲有新聞。」另外,連詩雅經理人公司就提供相片,證明獎座放在公司,蔚雨芯也表示獎座在公司:「睇新聞都覺搞笑同趣致,見到都幾震驚,始終獎項咁掉咗都唔係幾老利,始終新年。」羅力威則指住在九龍,獎座不會出現在港島區,之後又拍片澄清沒有掉到獎座。