九龍灣淘大花園2003年成重災區，錄得321宗感染個案，六次當選該區議員的村長葉興國指，那時每日堅守前線，為居民擔幡買水，處理消毒工作，他直言「當年淘大商場一個人都冇，一間舖都冇開，點似(口依)家咁熱鬧！」

六次當選淘大區議員兼淘大業主的葉興國表示，沙士的印象仍然刻骨銘心，他清楚指出，03年3月26日港府宣佈淘大花園有6名住客感染沙士，但未意識到危機，直到數日後感染率幾何級上升，陸續有人送進醫院，許多病人致電指情況非常惡劣，才知道沙士的嚴重性。葉興國表示，當時淘大居民非常恐慌，不知沙士的治療方法，惟有避之則吉，大量居民搬出屋苑，單是E座，由港府宣佈狀況，短短一星期，已有三分一住客遷出，直至封樓時期，E座只剩下三分一住客。

葉興國直言，「當時我開1,500一工，叫人黎消毒，都冇人肯黎，搞到自己要落手落腳做，而且每戶畀口罩和消毒劑，搞到一枝消毒劑難求，加上人人倒消毒劑，成屋苑的坑渠一隻蛇蟲鼠蟻都冇。」、「有住客仲驚到喺大堂聞唔到漂白水味會唔安心，要我打開漂白水蓋散傳全堂殺病毒！」淘大花園當時引人大量衛生設施，每座設有酒精消毒潔手機及醫療儀器級別的空氣細菌消毒儀，沿用自現時。

葉興國坦言，「自己都好驚會中招，屋企人都好擔心，但E座好多居民搵我，身為業主立案法團，見到街坊有難，唔通唔照顧咩！唯有憑住自己為社區的心，去病患者屋企視察，依家諗返都覺得自己好勇，當時環境好恐怖！」經歷沙士一役後，葉興國認為居民防感染意識高了，亦很團結，提起淘大亦不會與沙士掛鈎。

記者：黃朗鈞
攝記：方家遠

蘋果財經，關心你飯碗
http://fb.com/appledailyatm