無綫管理層日前將報道示威者曾健超被警員「拳打腳踢」等旁白河蟹，觸怒逾百名新聞部員工，發表聯署聲明以示不滿。原來，除無綫新聞部外，被指維穩的無綫綜藝節目《東張西望》，前晚一班幕前幕後亦「作反」力撐雨傘革命。

《東張》兩位主持張慧慈和梁麗翹，前晚不約而同穿上象徵雨傘革命的黃色衣服現身，其中張慧慈衣服圖案看來尤如一條人肉黃絲帶。連日來，在紅館舉行棟篤笑「唔黐線唔正常」的黃子華，雖然日日開騷撐佔中，但《東張》不但未將子華河蟹，還將子華開尾場騷內容放在節目開首，巧妙地播放子華完騷後暗示參加和平示威的訪問：「0依家最想去坐低搵個地方，傻一傻咁魂遊太虛。」《東張》也未有刪剪一一播出。

還有日前到金鐘佔領區撐學生和市民的葉德嫻（Deanie）出席首飾品牌活動，《東張》亦特地提到她現身，未因Deanie姐支持佔中而將她「消失」。

另外，節目中播出《守護生命的故事2》介紹，當中剪輯了醫護人員說話如「醫生唔係淨係幫病人醫病，仲有係醫佢個心」、「畀個機會佢哋改寫未來」、「幾咁困難都要去克服」、「人神共憤，有邊個可以落到手呢」，再加上該節目主持吳啟華所言：「畀大家知道，喺每一刻，喺呢個世界，其實都發生緊唔同嘅守護生命的故事。」一言一句，尤似是為雨傘革命打氣。

還有主持提到日本科學家赤崎勇，憑努力研製成藍光LED，並獲諾貝爾獎物理學獎時，強調「只要有夢想，凡事可成真」；到節目尾聲的《PearlTonight》環節，主持張曦雯忽然舉起兩個拳頭打氣說：「除咗呢班參賽者，仲有好多人為緊佢哋目標奮鬥，我哋一齊為佢哋加油。」整晚節目，令人深覺是一班《東張》幕前幕後在暗撐雨傘革命。

記者致電梁麗翹，對於前晚穿黃，她支吾以對說：「啊……我冇回應，公司畀嘅衫，唔講呢啲，唔好意思。」張慧慈被問到是否穿黃撐佔中時？她說：「冇，係公司服裝間安排。我唔想兩極化，0依家大家情緒比較激動，我只講我想香港好。」

節目中她呼籲大家要多點正能量，是否其心聲？她說：「我不嬲提倡正能量，希望每人做每一樣嘢帶到正能量畀大家。」雖然張慧慈未肯多講，但見她在微博撐黃子華之餘，還叫港人「腰板要挺直」，謂若能藉政治動盪培養骨氣，少點依靠祖國，腰板就可挺直，其立場可謂顯而易見。