人氣韓劇《經常請吃飯的漂亮姐姐》(漂亮姐姐)男星丁海寅，將於聽日喺九展舉行粉絲見面會，今日下午佢就率先抵港，準備晚上出席喺新蒲崗舉行嘅記者會，吸引過半百粉絲拎埋橫額嚟接機，當中不乏東南亞粉絲，疑似外籍傭工，估計因為今日星期日佢哋放假關係，所以即爭取時間來機場見oppa。

下午4時35分左右，丁海寅一現身粉絲即尖叫及大叫「Oppa」歡迎，佢亦識做地企定定畀粉絲影相，又揮手又派心，而且更收下粉絲送嘅花及禮物。

丁海寅行去停車場期間，粉絲一直表現激動地圍實丁海寅，有人險些跌倒，亦有人跌電話，場面混亂，不過丁海寅都有保持微笑，keep住親民。

期間有男粉絲向記者爆粗，於是警察上前同佢講幾句，警察以機場範圍內不得講粗言穢語為由帶男粉絲到一旁了解情況，講咗兩句就走人。

另外下午4時5分，於接機大堂A閘等丁海寅期間遇上Sammi，Sammi噚日先現身上海電影節，完成工作後今日就返港。戴上太陽眼鏡現身嘅Sammi見到記者時都有啲驚訝，助手一度用袋擋記者，不過最後佢都有停低畀大家影相。

更多韓流，喺晒《娛果》
http://fb.com/appledailyent