多蒙特球星奧巴美揚早前去咗美國度假，根據佢嘅個人Instagram，呢位加蓬球星已經由洛杉磯去咗紐約，佢更加喺Ig po咗佢喺機場同NBA名宿「大鯊魚」奧尼爾嘅合照，仲寫住話「到咗紐約，睇吓我遇到邊個，係奧尼爾，一個傳奇球星，致敬。」不過識睇一定睇留言，有網民讚佢幾時都著得型，有人話佢喺紐約係要去波士頓同埋傾去利物浦，最慘係唔少人話本來以為佢好高，有人直指佢企喺奧尼爾隔籬好細粒，唔知奧巴美揚有冇後悔po呢張相出嚟呢？