效力西甲巴塞隆拿嘅阿根廷老將馬斯真蘭奴，近日被指將喺下個月投身中超「掘金」，而據報天津權健同埋江蘇蘇寧對佢最有興趣。但天津權健就否認有關傳聞，仲嫌33歲嘅馬斯太老，話佢唔適合球隊嘅規劃。

西班牙《馬卡報》報道，馬斯已經向球會提交轉會申請，而球會正在考慮佢嘅決定，據傳佢嘅下一站係中超，天津權健似乎對佢有興趣。而權健領隊保羅蘇沙就請馬斯食閉門羮，話:「呢啲傳聞係假嘅，我哋現階段冇意引入馬斯。我哋下季想攞到更好嘅成績，但馬斯實在太老，不適合我哋目前嘅規劃。」

馬斯今季受傷患困擾，今季只係喺各項賽事上陣過十場，但話晒佢都係阿根廷國腳，保羅蘇沙咁講真係好唔畀面。

----------
係你！打造星級球隊，征服各地聯賽！立即加入『BFB CHAMPIONS 2.0』！
http://bit.ly/2xrTKGM