當年今日
關於我們

庭上播片 鐵夾夾女童鼻粗口辱罵

蘋果日報 2018/12/20 05:20

虐兒陳天佑馮嘉寶女同志虐兒

【本報訊】庭上透露,兩名女被告維持情侶關係已12年,她們不但向女童施虐,更拍下一段長達10分鐘的虐待片段,片中可見女童遭夾文件的大鐵夾夾住鼻子,兩被告除講粗言穢語,更厲聲呼喝女童,叫她開聲承諾:「如果我再講大話,就塞落垃圾桶,丟出街。」片段最後輾轉落入女童生母手中,再轉交警方調查,成為本案重要證物之一。
「夾到個鼻高×咗」
暫委法官何俊堯昨要求控方在庭上播放片段,受害女童稱次被告馮嘉寶為「契媽」,馮則喚首被告陳天佑「老公」。身穿睡衣的女童在片中不斷哭泣,陳厲聲叫她承諾不再說謊,馮則揚言:「我錄緊影㗎,下次做證呀!」眼泛淚光的女童啜泣指:「我唔知呀……」及後有人不斷拍打女童鼻上的鐵夾,陳更謂:「你自己平復吓,你自己問契媽。」女童及後邊哭邊道:「契媽……我……會聽話……」馮即謂:「識嘅原來。」並揚言要將片段上載到fb和YouTube,「周圍畀人睇,睇吓你幾咁曳」。女童及後未能許下承諾不再說謊,陳怒斥:「你夠×薑,你試吓唔用個腦記住,咁簡單嘅嘢都唔記得。」馮亦插口:「即係冇心裝載。」

鏡頭一度拉近聚焦拍攝女童臉部,有人伸手大力扯住她衣領,陳警告:「你同我拎個屎忽腦出嚟記×好住﹗」勒令女童深呼吸,女童聞言舉高雙手並大力呼吸。陳天佑呼喝:「係咪要夾埋個嘴先得?」及後有人將鐵夾拿下,陳即謂:「夾到個鼻高×咗。」馮嘉寶附和稱:「係囉,靚啲囉。」女童顯得一臉惶恐。陳再次叫女童重複承諾不再說謊,馮在旁說:「佢特登㗎,因為你夾×佢嘛,佢報復心好……」片段至此中斷。
■記者楊思雅