高海寧今日性感露肩在上環出席活動，明顯較早前瘦了一圈，連身裙清晰可見纖瘦身段，她指有畀心機減肥，但每年冬天都自然地吃多增磅，夏天天氣熱胃口不太好，加上通宵開工便瘦下來。劇集開至8月中，高ling已升格女主角，她笑說：「經常會見到大家，唔想成日肥嘟嘟，雖然冇上過磅，但好多人都話我瘦咗。」

高ling瘦了一圈，仍然keep到惹火身材，暫未打算以泳裝公開成果，還說：「我又唔識游水，暫時冇諗放假，而家事業幾好，想把握時間工作先，放假呢家嘢留老咗先啦。」她並坦承男友鄧智偉都讚佢身形，她說：「好多朋友或街上嘅人見到都讚，尤其我啲戲服，都不斷要改，我諗都瘦咗一個碼，要勞煩服裝姐姐幫我改衣。」

當年高ling是選港姐出道，她說：「今年冇仔細睇參賽者面試，但公司好多人討論，聽聞有啲質素幾好，多人面試係好事，公司需要發掘新人。」並分享貼士給參賽者，高ling說：「最緊要做自己，呢個年代唔同以前，有social media好容易被人起底，做自己光明正大好啲。」

另外，韓國女神宋慧喬和宋仲基今日宣佈離婚，高ling當年都有追看兩人擦出火花之作《太陽的後裔》，並說：「好可惜呀，冇諗過，佢哋好童話故事，拍劇一齊。」得知二人因性格不合分開，她說：「冇計啦，兩個人唔啱分開再搵番自己嘅真愛，相信當時結得婚，係真心想一生一世，都祝福佢哋，我都唔知畀咩意見好，只覺得好可惜。」高ling引述以前思想是壞可以整，但現時壞就要掉，她說：「我偏向以前思想，決定得結婚應該可以磨合，我會揀去整理，touch wood希望唔好發生喺自己身上，我哋性格唔同，所以我未必會閃婚。」
-----------------------------
7月4日起 《蘋果動新聞》只限升級壹會員閱覽
繼續撐蘋果！