墨西哥有一位鬥牛勇士周日經歷咗男人最痛，安東尼奧羅美路（Antonio Romero）喺一場比賽入面畀隻牛牛耷低頭，用隻角怒插「八月十五」，真係隔住個mon都覺得痛果隻！

報道話，呢場鬥牛喺墨西哥城舉行，果隻叫Caporal嘅牛牛重500公斤，撞低咗羅美路之後，隻角喺屁股插咗入去，令到羅美路嘅括約肌同埋直腸受傷。意外發生之外，羅美路梗係即刻俾人送咗去醫院急救啦，家陣就情況穩定，入到醫院仲識得「直豎姆指」！